¿SON JUDOKA OU FAGO JUDO?
A resposta a esta pregunta parece fácil. Pero o outro día tiña que escribir unha nova no blog sobre un evento de judo e elixir unha palabra para definir @s aproximadamente 300 nen@s que tomaron parte nel. A solución parece doada: 300 judokas. Pero moit@s del@s levan un par de meses facendo judo, outr@s moitos anos.
A definición en
calquera dicionario é moi clara sobre o que é un judoka: persoa que practica
judo. Polo tanto, asumimos que por estar nun tatami practicando judo xa somos
judokas, sen embargo non por tocar música nos consideramos ou consideran
músic@s, nin por patinar somos tod@s patinador@s, ou por subirnos a unha bici
somos ciclistas.
Isto levoume a
facerlles unha pregunta @s meus alumn@s, que confeso xa fixen algunha outra vez
no pasado a outras xeracións de alumn@s: sodes judokas? Moit@s asociaban ser
judoka ou non ao cinto, aos anos pasados no tatami ou á competición, vari@s
dicían que el@s facían judo, que non eran judokas.
A cuestión pode
dar varias reviravoltas, porque se falamos de cando nos empezamos a considerar
judokas, tamén podemos preguntarnos cando deixamos de selo. Unha persoa moi
sabia adoitaba dicir que el deixaría o judo cando se vise reflectido nun
espello e lle parecese que ía disfrazado. Se cadra tiña razón, porque a
realidade detrás da súa afirmación é que xa non se vería como un judoka.
Xa que vari@s
alumn@s asociaban ser judokas a ser competidor@s, pregunteilles a tod@s se se
consideraban competidor@s. Pasan os anos, pero non cambian as respostas: ser
competidor ou non parecía estar tan só vinculado ao nivel, á frecuencia, aos
resultados. O sorprendente era nalgún caso de quen viñan certas respostas. A
Real Academia Galega non se complica a vida e define o adxectivo e substantivo
competidor/a como “que compite”.
Estes debates
pode parecer que non levan a ningures,
xa que en parte non deixa de ser unha cuestión terminolóxica. Pero parece que, dadas
as respostas, vai máis lonxe, porque ten que ver coa visión que ten un mesmo e
as connotacións negativas e positivas. Por exemplo, se non nos consideramos
capacitad@s ou cos méritos suficientes para desenvolver esa actividade: non me
sae ben unha técnica, non son judoka. Non teño o resultado desexado, non son
competidor. Co cal, nos estamos mesmo auto limitando.
Os debates
terminolóxicos non semellan propios desta época que vivimos e, como dicía nunha
entrevista recente o debuxante de cómics José Manuel Puebla, a xente busca
na lectura unha mensaxe directa e sinxela no que el define como un “ataque de
literalidade”.
Sen caer nesa
literalidade, se cadra eu como sensei teño que partir da idea de que calquera
que entre no meu tatami, se considere judoka ou non, ten que actuar como tal: saudar
como se fai no judo, camiñar como se fai en judo, entrar no código, costumes,
linguaxe do judo. Polo tanto, nese tempo que están comigo no tatami tod@s se
comportan como judokas ou tratan de comportarse como tales. E probablemente iso
é o único que importa. Unha vez que se entra nun tatami, somos judokas, aínda
que sexa por unha hora.
Pero é entendible
que proxectemos as nosas sensacións ao tempo fóra do tatami. Moit@s poñen fotos
súas de perfil co judogi, outr@s non falan do judo, uns/unhas o ven como unha
simple actividade extraescolar ou de evasión do traballo, pero para moit@s é
unha filosofía de vida e/ou unha paixón. Moit@s nos sentiremos judokas toda a
nosa vida tanto dentro como fóra do tatami. E ti: ¿fas judo ou es judoka?
Comentarios
Publicar un comentario